يوميات فتحية وفريال( انا مش عاوزة اتجوز)

[ندعوك للتسجيل في المنتدى أو التعريف بنفسك لمعاينة هذه الصورة]

يوميات فتحية وفريال

(توحةوفوفة)

انا مش عاوزة اتجوز

مهو دة الطبيعى انك مش هتتجوزى مجبتيش جديد شايفة يعنى الرجالة واقفين بالطوابير ههههههههههههه
يافوفة بطلى تهريج بقى انا بتكلم بجد
توحة انتى اتجننتى متقليش الكلام دة يا عبيطة
انا حرة يا فوفة اقول اللى انا عوزاة
لا مش حرة يا توحة انتى لو اتجننتى انا لازم اعقلك
يا سلام دة على اساس انك عاقلة اووووووووى يعنى
ايوة يا بنتى انتى بتتكلمى باية طب جربينى كدةوهتشوفى
احكيلى مالك واية اللى جراك واهو اضيع وقتى معاكى هههه
دة على اساس انى لعبة هتلعبى فيها
ياخررررررابى عليكى يا توحة محدش يعرف يهرج معاكى يابت طب يالة اتكلمى بجد واما نشوف هنعمل اية
بحكاياتك ورواياتك ما انتى كل يوم طلاعالى بقصة من شكل
اقول اية انتى مش شايفة اللى بيحصل ولا حاسة بحاجة
اية يا توحة مالك انتى شاربة اية ولا واكلة اية احنا لسة بنقول يا صبح
ابعدى عنى يا فوفة ما انتى رايقة وفايقة دى عادتك يعنى ولا هتشتريها
طب خلاص ياستى انتى بكلامك دة فوقتينى ونكدتى على اهلى مش علية وبس
بصى يا فوفة هحكيلك الموضوع من البداية بس ركزى معايا وسيبك من باربى اللى انتى مسكاها دى وعملاها تلعبى بيها انتى كبرتى خلاص عاللعب دى
يووة يا توحة انتى عارفة انا عمرى ما هكبر على عروستى حبيبتى دى رفيقتى بالكفاااااااح ومشوارالعمر
هههههههههههه ضحكتينى يا فوفة بت فوقى كفاح اية دةعلى اساس انك محررة المرأة
شوفتى اهو خرجتينى من الموضوع اسمعى بقى
كنت قاعدة بالبيت عندنا وكلة تمام وكنت عمالة اتفرج على فيلم هندى كدة مش فاكرة اسمة بس كان الفيلم حلوى ومبسوطة اوووى ومكنتش عاوزة حد يئطع عليا حبل افكارى وانابتفرج
فجرس الباب رن فقومت فتحت الاقى مين بوشى بقى
مين يعنى يا توحة اكيد شاروخان جاى عاوزك تمثلى معها ههههههههههههههه
مش كنتى بتتفرجى على فيلم هندى
يابت بطلى تهريج واسمعى بجدوالله لكسر الطبق دة على دماغك علشان تفوقى بجد
يوووة عليكى يا توحة كملى يا مجننانى بس لخصى قولى المفيد
[color=black]اة كنا وقفنا جرس الباب رن فروحت فتحت وكنت مضايقة اوووووووى واللى ضايقنى اكتر
انى لقيت الست عطيات قدامى عرفاااها الست دى اللى مش وراها شغلةغير الكلام الكتير والرغى اللى مش بيخلص ، المهم دخلت وفضلت ترغى وقامت يا اختى صدمتنى صدمة مفقتش منها لحددلوقتى
قال اية بنتها ساندى اتخطبت وهتتجوز بعدكم شهر واية كما............[/color]
توحة قال ازاى هى اسمها عطيات وجايبة ساندىمش فاهمة ازاى الحكاية دى حصلت اية اية .................
يعنى انتى الحكاية دى اللى فرقة معاكى اووووووى وعاوزة تعرفيها ومش فارق معاكى ان الست ساندى اتخطبت ، قوووومى يا فوفةمن قدامى بدل ما ارتكب جناية النهاردة قووووووومى يا بت .
خلاص هقوم اعملك لمون علشان تروقى اعصابك
ياخرررررررررابى على برودك يا فوفة
اية يا توحةانتى مش طيقانى لية
الزفتة ساندى اتخطبت انا اعملك اية يعنى اولع بنفسى علشان ترتاحى
اة يا فوفة لو ولعتى بنفسك البشرية كلها هترتاح من غبائك
ركزى كويس يا فوفة اانتى مش عارفة ساندى
البت المايعة الضايعة اللى مش لاقية حد يلمها
اة يا توحة تصدقى هى ازاى اتخطبت دة احناكنا نقوول عليها ان دى اخرهها
انها يتلعب بيها شوية وخلاص دى ماشية على حل شعرها ومحدش عارف يلمها
فل عليكى يا فوفة ايوة كدة ركزتى معايا
المشكلة مش انها اتخطبت وبس يااختى خدى عندك دى مخطوبة خطوبة يا خررررررررررابى
اخلاق وعيلةومركز وجمال وهى ولا حاجة ودة اللى مضايقنى
مطيرالنوم من عينى من امبارح ازاى البت دى تقع الواقعة الجامدة دى
يخرب بيت كدة ياتوحة انتى فوقتينى بجد يا بت وفوقتينى على صدمة
قالة قوليلى هى ازاى وقعت الوقعة الجامدة دى
ايوةما انا مسكتش وشغلت الطاسة وعملت مخابراتى وعرفت يا اختى هى عملت اية
انتى عارفةانها بقالها كم شهرمش بالبيت كانت عندعمتها
المهم انها وعمتها مش بيطيقوا بعض لا بسما ولا بارض والبت راحت قعدت عندها
ايوة يا توحة هى علطول كان بينها وبين عمتها مشاكل هى وطنط عطيات
طنط اية بقى قولى استاذةورئيسة قسم دى طلعت سوسة اوى يا بت
عمت البت ساندى ليهم جيران وعندهم ولد وحيد عاوزين يجوزة بس كانوا عاوزين ناس محترمين وبنت مؤدبة اهم حاجة دى شروطهم
فالست ساندى هى وامها عرفوا بالموضوع وراحوا ضاربينن شوية حنية ودلع على عمتها والبت راحت تقعدمعها بحجة انها تخدمها وتساعدها انتى عارفة ان عمتها قاعدها لوحدة

ايون يا توحة يا سلام عالتفكير والتخطيط الجامد
اسمعى بس اكملك الحكاية دى ولا بالافلام
البت عاشت الدور انها مؤدبة ومحترمة وبقت بتلبس كويس ومحترموكمان اية دى بتخدم عمتها الوحيدة
وانها بعيدة عن اهلها علشان خاطر عمتها شوفتى التضحيات
ايوة يا توحة انا شوفت الفيلم دة قبل كدة فاكرة يا بت ........
فوفة اعملى رستارت وركزى معايافيلم اية دلوقتى دة احنا بمسلسل عالمى كمان
المهم جارة عمتها شافت البت وعجبتها وراحوا اتقدموا وعطيات هانم وافقت
تعالى بقى شوفى ساندى هانم عاملة اية رجعت ريما لعادتها القديمة
توحة طب وخطيبها مش عاوز واحدة محترمة ازاى موافق انها تعمل العمايل الللى بتعملها دى
ايوة يا فوفةما هودة اللى غايظنى ومجننى الواد زى الخاتم بصباعها البت يمين شمال زى الريموت بايدها هى اللى بتوجهة شوفتى الزمن الاغبر اللى احنا فيه
ياخرررابى يا توحة طب الغلابة اللى زينا هيعملوا اية احنا نروح ناخددروس خصوصية من عندساندى وطنط عطيات ممكن ننفع بحاجة
ايوة يا اختى والنبى لو فتحولنا مدرسة كمان مش هننفع
وهنكون فاشلين كالعادة
المهم انا فضلت افكر وافكر بالحال اللى احنا فيةدة
يعنى لو بقيتى محترمة مش عاجب اصل البت لازم تكون مدردحة وواخدة بالها مننفسها
علشان الواد اول ما يشوفها يتجنن عليها ويقول لا هى دى يا بلاش
ولو قلينا بادبنا كمان مش عاجب البت لازم نكون محترمة احتراما لنفسها ولاهلها
طبقوليلى دلوقتى نعمل اية انا اتجننت خلاص
معاكى حق يا توحة بصى احناننحرف وامرنا لله هنعمل اية مهو احنا مش هنفضل قاعدين كدة لازم نتصرف ونتحرك
انحراف اية يا عبيطة خلاص كبرنا علية مش هيقبل بينا
دة انتى بتهرجى ياتوحة دمك خفيف يا مضرووووووووووبة من يومك
هههههههههههههههههه
بصى يا فوفة اناعلشان كدة قررت انا مش عاوزة اتجوز
مهو انا مش من نفسى علشان اعجب الناس
لان زى ما انتى شايفة قدمنا طريقين ملهومش تالت
لنكون مؤدبين ومحترمين
لنكون منحرفين وماشين على حل شعرنا
علشان نعجب الناس
معاكى حق يا توووووووحة طب احنا هنعمل اية دلوقتى
يا بت انتى مش بتعرفى تفكرررررررى خالص نخك لاغياة عملالة دليت
امال انا بحكيلك لية مش علشان تشوفى حل معايا
ايوة ياتوحة استنى انا هفكر بصى احنامفيش قدامنا غير اننا نتمردعالوضع الحالى
فوفة حبيبتى يالف نهار ابيض اخيرا اتكلمتى ونطقتى نتمرد عالوضع الحالى ياسلام لما بتفكرى يا بت بيطلع منك حاجات
ايون حلوى نتمردعالوضع الحالى مش عارفة طلعت منى ازاى اصلى كنت سمعها من السيد عمرو ودياب
ما علينا بس ازااااااااااى هنتمرد بقى!!!

يااااااااااااااااخررررررررررررررابى ياربى صبرنى
دة كان ذنبى ولا اية بصى حكاية نتمرد عالوضع الحالى دى محتاجة كباية شاى بالخمسينةونمخمخ
شاى اية دة هو حد لسة بيشرب شاااااااااااى لا انا عاوزة نسكافية
فوفة انتى حدمسلط عليا صح انتى عاوزة تموتينى ناقصة عمر
يالهووووووووووووووووووى

المرة الجاية بقى نعرف مين اللى هيخلص على مين وازاى فوفة وتوحة هيتمردوا عالوضع الحالى
ياخرررررررابى دة انا بقيت بتكلم زيهم هههههههههههههه

ياترى تفتكروا المفروض توحةوفوفة يعملوا اية
ولا ازاى هيتمردوا عالوضع الحالى ؟؟؟؟؟؟؟؟؟؟؟؟؟؟؟؟

تعجبني انا الحالات الواقعية دي هههههههههههههههههه نص بنات مصر حالتهم صعبة لانهم مش قادرين يفضلو الاخلاق ع الجواز ههههههههههههههههه انا بنضم ليهم انا مش عاوزة اتجوز